Papa Francis, di peyama xwe ya Krîstmisê de bang li mirovên cîhanê kir ku cudahîyên xwe wek dewlemendî bibînin û dawî li şer û pevçûnan bînin.
Francis got ku hêvîya wî biratîya mirovên bi nêrînên cigêrengî ye ku dikarin hevdu guhdar bikin û rêz li nêrînên kesên din bikin.
Wî bang li dîyaloga navbera Îsraîl û Fîlîstînyan kir ku li cîhê ku “Xudê rûyê xwe evîndarî li wêderê nîşan daye”, dawî li alozîyên 70 salan bînin.
Francis herwiha ji civaka navnetewî xwest ku bo çareserîyeke sîyasî ji Sûrîyê re bixebitin û agirbesteke mayînde li Yemenê pêk bîne da ku êş û dijwarîyên ku gelê wî welatî rûbirû dibin, bi dawî werin.
Papa Francis, gotara “Urbi et Orbi” (ji bajêr û cîhanê re), li pêş bi deh hezaran kesan li Qada St. Peter’s pêşkêş kir û ew cara yekê di 13’ê Adara 2013’an de, dema ew bûbû rêberê ruhanî ya Katolîkên cîhanê, li heman qadê xwanê bûbû.