Lînkên eksesibilîtî

Breaking News

Di Rûdaneke Trafîkê de 12 Penaberan li Wanê Canê ji Dest Dan


Rûdana trafîkê li Wanê

Di rûdaneke trafîkê de 12 penaber li bajarokê Begirîya (Muradîye) Wanê canê xwe ji dest dan.

Li gor jêderên xwecihî minibusa penaberan nêzî Taxê Anzafê (Yumakli) ji rê derkeft û dolbû nava nihalê û agir pêket.

Heya ku tîmên rizgar kirinê gihiştin cîhê bûyerê 6 penaber di encama şewatê de, bi giştî 12 penaber canê xwe ji dest dan û nêzî 20 penaber jî birîndarbûn.

Tîmên rizgar kirinê termên qurbanîyan û birîndaran veguhastin nexweşxaneyan.

Li gor daneyên baroya Wanê her sal hezaran penaber ji Afganistan, Bangladeş, Pakîstan û Îranê derbazî bajarê Wanê dibin.

Di Dema vê rêwitîya bi zehmet de hejmarek zêde penaber jiber dijwarîya hewayî û erdnigarîyê, binavbûna beleman di behra Wanê de û di encama rûdanên trafîkê de jîyana xwe ji dest didin.

Komela Mafê Mirovan (IHD) dide zanîn ku ji destpêka 2020’an heta niha herî kêm 75 penaber li Behra Wanê û ser sînorê navbera Tirkîyê û Îranê canên xwe ji dest dane.

please wait
Embed

No media source currently available

0:00 0:01:11 0:00

Şîroveyan bibîne

XS
SM
MD
LG