Cîgirê Serokê Amerîka yê berê Mike Pence îro Çarşemê tev li kêbirkeya namzedîya Komarî ya jibo hilbijartina seroktîya Amerîkî bû.
Pence, serokê berê yê Amerîka Donald Trump şermezar kir ku wî dest ji prensîbên konservatîfî berdane û di bûyerên 6ê Rêbendanê de karekî baş nekiriye.
Pence, berbijarîya xwe li bajarê Des Moines ya eyaleta Iowa eşkere kir, ku cara yekê ye di dîroka Amerîka ye ku cîgirekî serok hember serokekî namzetîya xwe radigihîne.
“Dema Trump, tevî ku hêza min ya destûrî tunebû, ji min xwest ku ez wî li ser desthilatê bihêlim, mafê xwe yê seroktîyê hinda kir. Wî di 6ê Rêbendanê de jîyana malbata min û hemî kesên ku li Kongresê bûn, xistibûn xeterîyê” Pence bi berdewamî got.
Hêjayî balkişandinê ye ku heta niha xencî Pence, Serokê berê Donald Trump, sîyasetvanîn navdar Ron DeSantis, Chris Christie, Tim Scott, Asa Hutchinson, Doug Burgum û Nikki Haley jî navên xwe jibo qezenckirina berbijarîya Partya Komarî eşkere kirine.