Wezareta Derve ya Amerîka derheqa hevdîtina Mike Pompeo û Mevlut Çavusoglu de daxuyanîyeke nivîskî weşand û got ku her du alî pêgirîya xwe dîyar kir ku xemên hevbeş bi ruhekî hevalbend çareser bikin.
“Wezîr Pompeo û Wezîr Çavusoglu nêrînên xwe yên derbarê mijarên dualî û kêşeyên herêmî bi hevdu re pêguherin û wan dubare kir ku ewê dijî hemî awayên terorîzmê hevkarî bikin.”
Daxuyanî da zanîn ku her du alî pêşnîyarên Koma Xebatê ya Amerîkî û Tirkî ya Derbarê Sûrîyê nirxandin da ku çawa hevkarîya dualî li Sûrîyê pêşve bibin û ewlehî û îstiqrara bajarê Minbicê misoger bikin.
“Wan li ser nexşereyeke derheqa vê armancê li hev kir û bal kişand ser pêgirîya cîhanîna wê nexşereyê û pêdivîya jinêzve şopandina rewşa erdê.”
Pompeo û Çavusoglu herwiha peywendîyên Amerîkî û Tirkî gotûbêj kirin û hevbîr bûn ku civînên pirtir li ser avakirina mekanîzmeya koma xebatê werin kirin ku pirsgirikên heyî yên navbera du alîyan çareser bikin.