Lînkên eksesibilîtî

Breaking News

Platforma Demokrasîyê ya Wanê Rapora Zîndanan Eşkera Dike


Platforma Demokrasîyê ya Wanê

Platforma Demokrasîyê ya Wanê, derbarê binpê kirina mafê zîndanîyan de raporek biragiştî re eşkere kir.

Platforma ku ji 12 sazîyan pêk tê li avahîya Komeleya Xizmên Zîndanîyan (TUHAY-DER) bi pres konferansekê bal kişandin ser kêm bûna tedbîrên li hember belavbûna vîrusa korona.

Endama Komeleya Azadîxwaz û Hiquqnasan (OHD) parêzer Ebru Demîrtepe dide zanîn ku rapor ser 4 zîndanên bajarê Wanê, bi encama hevdîtinên ligel girtîyan ra hatîye amade kirin.

Parêzer Ebru Demîrtepe - Wanê - Tirkiye
Parêzer Ebru Demîrtepe - Wanê - Tirkiye

Parêzer Demîrtepe dîyar kir ku rêvebirên zîndanan, amûrên paqijîyê nadin girtîyan û wiha got.

“Li zîndanan hin tedbîr hatine hildanê, lê têra parastina ji vîrusa korona nake. Jiber ku girtî nikarin bi pereyî tiştên paqijîyê bikirin.” Demîrtepe destnîşan dike ku hejmarek gardîyan û girtî bi vîrusa korona ketîne, lê derbarê vê rewşê de rêvebirîyên zîndanan agahî nadin wan.

“Bi taybet li zîndana tîpa M ya Wanê, hejmarek gardîyan û girtî bi vîrusa korona ketine. Malbat dibêjin ku piştî girtîyên wan tuşî vîrusa korona bû, tekilîyên wan qut bûne û nikarin agahî bistînin."

please wait

No media source currently available

0:00 0:03:20 0:00

XS
SM
MD
LG