Berdevkê Komîserîya Bilind ya Penaberan ya Neteweyên Yekbûyî (UNCHR) ragihand ku piştî operasyona hikûmeta Sûrîyê ya li Dera, 270,000 kes ji wir derketine.
Karbidestên NY’ê didin zanîn ku sîvîlên ku ji Dera direvin, li kampên li ber sînorê Urdunê dimînin, lê nikarin derbazî wê welatî bibin.
Li alîyekî din, derdora 470 penaberên Sûrî, di çarçoweya programeke vegera penaberan de ji Lubnanê vegerîyan Sûrîyê, lê ku hikûmeta Lubnanê dibêje ew ne bi darê zorê ye.
Ew nûçe û rewşa alozîya penaberên Sûrî li kolana Qamişlo çawa tê şopandin û tê nirxandin. Di vê raportê de me bi jimareke rûniştvanan re peyîvîn ku nêrînên wan bizanin: