Serokê Ukraynayê Volodymyr Zelenskyy îro Duşemê ragihand ku du dronên Rûsî li keştîyeke sivîl xistine û 2 kes jî hatine kuştin.
Serok Zelenskyy li ser platforma X’ê eşkere kir ku ev keştî di avên bêalî de bû, garis bar dikir û malê Tirkîyê bû.
Serokê Ukraynayê got ku hemwelatîyên Azerbaycan û Hindistanê di nav keştîyê de bûn. Wî herwiha diyar kir ku kaptanê keştîyê hatîye kuştin.
Di vê navberê de 11 endamên tîma keştîyê hatin rizgarkirin, ku yek ji wan birîndar e.
Zelenskyy got ku Ukraynayê gelek caran gavên berçav pêşnîyar kirin da ku rewş aram bibe û ewlekarîya Deryaya Reş pêk bê.
Herwiha, Wezareta Derve ya Rûsyayê roja Şemîyê hişyarî da dîplomat û hemwelatîyên biyanî ku zû dakevin û bajarê Kîevê biderkevin.