Ajansa nûçeyan ya RIA roja Çarşemê ji zarê Dmîtry Shugayev, berpirsê sazîya Hevkarîya Teknîkî-Leşkerî ragihand ku Rûsya ewê sîstemên berevanîya bi navê mûşekên Pantsir radestî Myanmar bike.
Dmîtry Shugayev yê ku berpirsê çekên Rûsî ye da zanîn ku Myanmar û Rûsyayê di berfanbarê de jibo sîstemên berevanîya Pantsir peyman îmza kiriye Shugayev got, "Emê sîstemên berevanîyê li gor şert û mercên ku di peymanan de hatine destnîşan kirin radest bikin."
Mûşekên Pantsir ku li ser kamyonan têne bicîh kirin, jibo xistina firokan, dronan û mûşekên keştîyan, têne bikar anîn.
Aktîvîstên mafên mirovan, Moskowê bi rewakirina cuntaya li Myanmar ku bi darbeya 1'ê Sibatê de dest da desthilatdarîya welêt, bi domandina serdanên dualî û peymanên çekan, tawanbar dikin.
Rûsya dibêje ku bi Myanmarê re têkilîya wê ya demdirêj û stratejîk heye û ew bawer dike ku karbidest her tiştê ku ji dest wan tê dikin, jibo aramkirina rewşa ku wek rewşekî "pir cidî" bi nav dike.