Agahîyên ku ji Raqqayê tên dîyar dikin ku DAIŞ ketîye tirseke mezin û hebûna wê di nava bajêr de pir kêm bûye.
Hin welatîyên Kurd, tevî hemî metirsîyên ser rê, ji Raqqayê direvin û berê xwe didin Kobanê û Girê Spî.
Mihemed Remê Kurdekî ji Raqqa ye û ew ligel malbata xwe giheş Girê Spî.
Remo tîne ziman ku DAIŞ’ê di rêya mizgeftan re bangekir ku Kurd ji bajêr derkevin.
“Dema dengê balafirên koalîsyonê tê çekdarên DAIŞ’ê direvin, û ew jî bû derfet ku em birevin. Li taxa Kurdan yên li bakurê Raqqa 25 Kurd ketin destê DAIŞ’ê û rewşa wan ne dîyar e.”
Malbata Kurd herwiha anî ziman ku pir xendeq li derdora bajêr hatine kolandin, û rêyên ku tên bajêr hatine mayin kirin.
