Hûsîyên Yemenê yên ku Îran piştgirîya wan dike, îro Sêşemê êrîşî çar bajarên başûrê Erebistana Siûdîyê kirin, di encamê de zêdetirî 70 kes birîndar bûn û agir bi navendên petrolê ket.
Karbidestên Siûdî agahî dan ser şewatên li wan cihan û gotin ku jin û zarok jî di nav 73 kesên birîndar de hene.
Ji ber hejmara zêde ya birîndaran, tê diyarkirin ku ev êrîşên Hûsîyan ji meha Sibatê ve, anku ji destpêka şerê Amerîka û Îsraîlê yê li dijî rejîma Îranê, mezintirîn êrîş in ku li ser Erebistana Siûdî hatine kirin.
Serokwezîrê Pakistanê Şehbaz Şerîf îro Sêşemê li ser platforma X’ê êrîşa Hûsîyan a li ser navendên sivîl û yên enerjîyê li Erebistana Siûdî wekî êrîşên “tirsonek” binav kir û bi tundî şermezar kir.
Şerîf herwiha got ku Pakistan piştgirîya xwe ya ji bo Prensê Cîgir Mihemed bin Selman û gelê Erebistana Siûdî nîşan dide.