Ajansa nûçeyan ya Reutersê ragihand ku pirtir ji 1000 leşkerên Ukraynî yên li Mariupol ya dorpêçkirî xwe radest kirine.
Reutersê ew agahî ji zarê Wezareta Berevanî ya Rûsya ragihand.
Wezareta Berevanî ya Rûsya dîyar kir ku bi êrîşên serketî yên hêzên Rûs û mîlîsên Komara Gel ya Donetskê 1026 deryavanên Ukraynî yên li Mariupolê çekên xwe danîne û radest bûne.
Karbidestên Ukraynî ser daxuyanîya Wezareta Berevanî ya Rûsya hîn ti şirove nekirine.
Rûsya da zanîn ku hêzên wê 151 leşkerên birîndar yên Ukraynî jî veguhestine nexweşxaneyê.
Rêberê Çeçen Ramzan Kadîrov jî îro Çarşemê gotibû ku li Ukrayna pirtir ji 1000 deryavan radest bûne.