Serokê Rûsyayê Vladimir Putin îro Çarşemê ragihand ku eger welatên Ewropayê dest deynin ser keştîyên bazirganîyê yên Rûsyayê, ew ê bersivê bidin.
Fermandarê Hêza Deryayî ya Pasîfîk a Rûsyayê jî got ku hêzên Rûsyayê amade ne keştîyên biyanî rawestînin.
Gotinên Putin li ser keştîya şer a Varyag hatin. Ew piştî wê yekê axivî ku Yekîtîya Ewropayê (YE) zextên li ser keştîyên Rûsyayê zêde kirine, cezayên nû danîn ser bi sedan keştîyan, û dest danîne ser hin keştî û xebatkarên wan daku wan kontrol bikin.
Hin hikûmetên Ewropayê got ku ew dixwazin gavên tundtir bavêjin da ku rê li ber keştîyên Rûsyayê bigirin yên ku qanûn û cezayan binpê dikin.