Di derbarî rêkeftina di nav Amerîka û Tirkiyê de ji bo duristkirina navçeyek aram li ser sînorê bakûrê Sûriyê û karvedana wê li ser xelkên wê herêmê, Dengê Amerîka hevpeyvînek bi rojnamevan Izedîn Salih re kir, ku li bajarê Serê Kaniyê dijî.
Rojnamevan Izedîn anî ziman, ku xelk bi çavekî erînê li vê rêkeftinê dinerin û bawer dikin ku wê rê li ber êrîşên Tirkiyê bigre û nahêle ku bûyera Efrînê li herêma rojhilata Feratê dûbar bibe. Lê di heman demê de jî wî got ku hîna jî xalên vê rêkeftinê ne zelal in.