Ahrarer Şam, ku li Gutaya Rojhilat yek ji komên çekdar yên herî çalak e, ragihand ku çekdarên li Harasta dê tevî çekên xwe ji herêmê derekvin û herin bakurê Sûrîyê.
Berdevkê Aharer Şam Munzer Faris dîyar kir ku wan bo derketina ji herêmê bi hikûmeta rêkeftinek kiriye û Rûsya jî bo lihevkirinê bûye garantor.
Li Gutaya Rojhilat ji meheke zêdetir e bi awayekî gur operasyon didomin û cara pêşî ye ku li wê herêmê di navbera serhildaya û hikûmetê de peyman tê îmza kirin.
Li gor daxuyanîya Faris dê çekdarên pêşî roja Pêncşemê bi demjimêra herêmî di 07:00 de ji Gutaya Rojhilat derkevin.
Karbidestekî rejîma Sûrîyê jî, ku navê wî nehat eşkere kirin, ji Reuters’ê re rêkeftin piştrast kir û da zanîn ku serhilda dê herin Îdlibê, ku di bin kontrola opozîsyonê de ye.