Profîsorekê Amerîkî dibêje, ew ne piştrast e ku Ereb û Kurd bi aştî pirsgirêkên navbera Bexda û Herêma Kurdistanê çareser dikin.
Di hevpeyvînekê de ligel Pişka Kurdî ya Dengê Amerîka, Daniel Serwer ji Sentra Têkeliyên Transatlantîk li zanîngeha Johns Hopkins dibêje, “ ez ne piştrast im, lê belê hêvîdar im ku Ereb û Kurd bi aştî serederiyê ligel wan pirsgirêkan bikin ku hêşta nehatîne çareserkirin.”
Nêzîkî neh salan piştî şerê Îraqî û damezirandina desthilateka nû li Îraqê, hêşta pirsgirêkên serekî yên navbera Bexda û Hewlêrê nehatîne çareserkirin, wek pirsa deverên kêşe li ser û pirsa neftê.
Jibo guhdarîkirina hevpeyvîna hevkar Ahmed Barzanî bi profîsor Serwer re, lînka ‘Guhdarî kirin’ li rexê rastê vê rûpelê kilîk bike.
