Çavdêrîya Sûrî ya jibo Mafên Mirovan (SOHR) ragihand ku artêşa Tirk îro teqe li nêzî gundê Susik ya Giresipî kir.
SOHR ti agahî li ser hebûna kuştî û birîndaran nedan, lê ragihand ku zîyan giheştin xanîyên gundîyan.
SOHR bi bîr tîne ku êrîşa îro piştî aramîya du rojên dawî tê ku hêzên Amerîkî bo nobedarî çûbîn herêmên ser sînorê Tirkîyê.
Çavdêrîya Sûrî ya jibo Mafên Mirovan demeke zûtir ya îro ragihandibû ku Tirkîyê pirtir ji 500 şervanên Sûrî yên ji komên bi piştgirîya Tirkîyê veguhastin rojhilata çemê Firatê ku dijî YPG’ê şer bikin.