Ajansa dewleta Sûriyê ragihand ku pevçûnên giran di navbera hêzên hikûmetê û hêzên Tirkiyê de li bakurê Sûriyê bûne.
Ajansa SANA îro Şemiyê got li gundê Um Şeyfa yê Serê Kaniyê çekên giran jî di şer de hatine bikaranîn .
Meha borî Tirkiyê derbasî bakur û rojhilatê Sûriyê bû ji bo derxistina hêzên Kurdî ji wan navçeyan.
Hêzên Sûriya Demokrat ku Kurd serkirdayetiya wan dikin, ji hêzên hikûmeta Sûriyê xwestin ku alîkariya wan bikin û êrîşa Tirkiyê vegerînin.
Hêzên hikûmeta Sûriyê li jimarek navçe û bajarên bakur û rojhilatê Sûriyê belav bûne û ev bû çend car in pevçûn di navbera wan û hêzên girêdayî Tirkiyê de dibine.
Hefteya borî hêzên Tirkiyê 18 serbazên Sûrî girtibûn û piştî çend demjimêran, bi navciyatiya Rûsya, ew azad kirin .