Hikûmeta Tirkîyê Destûr Dide DEM Partî Serdana Ocalan Bike

Meha Duyem 26, 2025

Wezareta Dadê ya Tirkîyê jibo hevdîtina sêyê ya şandeya Partîya Wekhevî û Demokrasî ya Gelan (DEM Partî) û rêberê Partîya Karkerên Kurdistan (PKK) Abdullah Ocalan destûr da.

DEM Partî dîyar kir ku şande wê sibê Pêncşemê bi Ocalan re bicive û 28’ê Sibatê ser encama danûstandinê daxuyanîyeke berfireh ragihîne.

Serdanên berê ji alîyê parlamanenterên DEM Partî Sirri Sureyya Onder û Pervîn Buldan ve hatibûn kirin.

Çaverê ye vê carê di şandeyê de xêncî Onder û Buldan, hevserokên DEM Partî Tulay Hatîmogullari û Tuncer Bakirhan, sîyasetvanê dêrîn Ahmet Turk û parêzerên Ocalan, Faik Ozgur Erol û Cengîz Çîçek jî cîh bigirin.

Berdevka DEM Partî Ayşegul Dogan îro Çarşemê got ku ewê rêbaza ragihandina banga Ocalan wê piştî civîna sibê eşkere bibe û dîyar kir ku daxwaza wan ew e ku bang bi rêka vîdyoyê çêbe.

Dogan dîyar kir ku li gor nêrîna wan ewê banga bi dîmen kêrhatî be û got ku daxwaza civakê jî wisa ye.

Wezîrê Dadê yê Tirkîyê Yilmaz Tunç di rojên borî de gotibû ku li gor qanûnan girtîyek nikare jibo bîragiştî bi rêka vîdyoyan bangê bike.

Karbidestên DEM Partî dibêjin di danûstandinên dawî de rewşeke taybet heye û dîyar dikin ku ew danûstandin çekberdan jî di nav de jibo qonaxeke nû têne meşandin

Lînkên eksesibilîtî

Follow Us

Hikûmeta Tirkîyê Destûr Dide DEM Partî Serdana Ocalan Bike

This item is part of