Wezîrê Navxweyî yê Tirkîyê Alî Yerlîkaya ser erdhejên 6’ê Sibata 2023’yan preskonferansek li dar xist.
Yerlîkaya da zanîn ku di erdhejên 6’ê Sibatê 53,537 kesan canên xwe ji dest dane û 107,213 kes birîndar bûne.
Wî dîyar kir ku erdhejên 6’ê Sibatê li 11 bajaran, 124 bajarokan û 6929 gund û taxan bandor rasterast li 14 mîlyon kesan kirine.
Li gor ragihandina Yerlîkaya di erdhejêan de 38,901 avahî hilweşîne.
Berbijarê Partîya Dad û Pêşvebirinê (AKP) yê jibo Stenbolê Murat Kurum di rojên borî de li weşaneke zindî gotibû ku li 11 bajaran erdhej çêbûye û 130,000 kes mirine.
Kurum dîyar kiribu ku bandora erdheja li 11 bajaran wê wek ya Stenbolê be û gotibû ku ger tiştek bi serê wî bajarî de were ewê al û dewleta wan ji destê wan here.
Wî piştre ji X’ê dîyar kiribû ku di erdhêjên dîroka Tirkîyê de 130,000 kesan canên xwe ji dest dane.