Serokê Amerîkayê Donald Trump îro ragehand ku Îran bi rastî dixwaze rêkeftinekê bike û tekez kir ku ew rêkeftin dê ji bo Amerîkayê û hevalbendên wê sûdmend be.
Trump li ser platforma Truth Social tekez kir ku tişt "di dawîyê de dê çareser bibin", di heman demê de wî Demokrat û rexnegirên wî yên Komarî yên ku li dijî rêkeftinê ne, rexne kirin.
Senatorê Komarî yê wîlayeta Karolîna Başûr Lindsey Graham piştgirîya xwe ji bo Serok Trump nîşan da û bawerîya xwe anî ziman ku Trump bi rêkeftineke xirab bi Îranê re razî nebe.
Graham doh li ser platforma X'ê got,"Di axaftineke vê dawî bi Serok Trump de, min piştgirîya xwe ji bo rêkeftineke bi Îranê re piştrast kir ku daxwaza serok Trump a vekirina Tengava Hormuzê û destpêkirina danûstandinan li ser bidawîanîna piştgirîyê ji terorîzmê re qebûl bike."