ABC News, li gor hin çavkanîyan ragihand ku Serok Donald Trump ji Tehranê sozên nivîskî yên ser bernameya navokî dixwaze wekî beşek ji rêkeftineke destpêkê ku armanc dike astengîya di navbera Washington û Tehranê de nehêle.
Karbidestên Amerîkî û çavkanîyeke din ku derbarê mijarê agahdar e ji ABC News re got ku Serok Donald Trump ev daxwaz weke mercekî berdewamîya danûstandinên bi Îranê re pêşkeş kiriye û dixwaze Îran bi nivîskî soza bernameya navokî bide.
Raporta NBC dibêje "Danûstandkarên Îranî berê sozên devkî dabûn ku rejîm dê di dawîyê de li ser hin şertên têkildarî bernameya navokî ya Îranê razî bibe, lê çavkanîyan got ku serok di civîneke taybet de roja Înê diyar kir ku ew pabendbûna Îranê ne bes e."
Di îfadeya xwe ya li ber Komîteya Têkilîyên Derve ya Senatoyê de roja Sêşemê, Wezîrê Derve yê Amerîkayê Marco Rubio hin hûrgulî parve kirin, ka tiştê ku rêveberîya Trump ji Îranê dixwaze çi ne heta ku danûstandin berdewam bibin.
Rubio got, "Divê ew pabendî danûstandinên pir taybetî yên li ser uranyuma dewlemendkirî bibin, û divê ew di danûstandinan de sozên zelal û demdirêj derbarê bernameya navokî bidin an bi temamî çalakîyên dewlemendkirina uranyumê hilweîşnin."
Wî zêde kir ku "Îran dê neçar be ku di derbarê bernameya xwe ya navokî de pêgir be da ku ji Amerîka cezayan ser wê sivik bike."
Hêjayî gotinê ye ku Serokê Amerîkayê Donald Trump red kir ku di rojên dawî de danûstandinên di navbera Amerîkayê û Îranê de qut bûne, wî di peymaneke xwe ya Truth Social de gotibû ku nûçeyên ser rawestana danûstandinan "Nûçeyên sexte" û "nerast in."
Trump her wiha di peyama xwe de Îran ji pêwîstîya gihîştina rêkeftinekê agahdar kir.