Serokê Amerîkayê Donald Trump di peyamekê de li ser platforma Truth Social qurbaniyên êrîşa Hemasê ya 7'ê Cotmehê li ser Îsraîlê, û kesên ku ji êrîşê rizgar bûne û rehîneyan bi bîr anîn.
Trump nivîsand, “Em ê tu carî 7'ê Cotmehê ji bîr nekin. Em ê tu carî qurbaniyan ji bîr nekin û em ê her tim li dijî hêzên terorê û xerabiyê rawestin.”
Trump her wiha bal kişand ser hewldanên ji bo vegerandina rehîneyan bo cem malbatên wan û got ku wî ji bo vegerandina “hem yên sax û hem jî yên mirî» bo cem malbatên wan xebat kiriye. “
Trump di axaftina xwe de bi rojnamevanan re bi boneya salvegera êrîşa 7ê Cotmeha 2023'an, behsa axaftina xwe bi Serokwezîrê Îsraîlê Binyamin Netanyahu re kir û got, “Ez bi Bibi Netanyahu re axivîm û min ji bo wî daxwaza başiyê kir. Her wiha min ji bo gelê Îsraîlê jî daxwaza başiyê kir. Ew roj rojeke pir xirab bû, trajediyeke pir mezin bû. Û aliyê din ji ber tiştê ku di 7'ê Cotmehê de kir, bihayekî pir giran dide, bawer bikin. “
Hêjayî gotinê ye ku Serokê Amerîkayê Donald Trump di Cotmeha 2025'an de planek ji bo bidawîkirina şerê Xezayê pêşkêş kir, ku avakirina «Civata Aştîyê» jî beşek ji wê planê bû.