Washington —
Serokê Amerîkayî Donald Trump îro Pêncşemê ragihand ku ew piştgirîya Kurdan dike bo destpêkirina operasyonekê li hundirê Îranê.
Di hevpeyvîneke telefonî de ligel ajansa Reuters, Serok Trump got: "Ez bawer dikim ew tiştekî gelekî baş e eger ew (Kurd) vê yekê bikin. Ezê bi tevahî piştgirîya wê yekê bikim."
Dema jê hate pirsîn ka gelo Amerîka dê piştgirîya asmanî bide yan daye ti êrîşeke Kurdan, Serok Trump got: "Ez nikarim wê yekê ji we re bêjim," lê wî da zanîn ku armanc ji bo Kurdan dê ew be ku "biserkevin."
Dengê Amerîka bo wergirtina bêtir zanyarî di vê derbarê de peywendî ligel Koşka Sipî kiriye.