Serokê Amerîkayê piştî bidawîbûna Hilcivîna NATOyê li Enqereyê konferanseke rojnamevaniyê saz kir, ku tê de bal kişand ser wan destkeftiyên di dema gotûbêjên serokan de pêk hatine.
Serok Donald Trump ragihand: 'Me civîneke blind ya pir serkeftî li vir li Tirkiyê bi dawî kir. Ez dixwazim spasiya Serok Erdogan bikim ku camêrekî pir mezin e.'
Trump diyar kir ku piraniya welatên endamên NATOyê li ser daxwaza Amerîkayê razî bûne ku bûdçeya xwe ya parastinê ji %2 bikin %5, ji bilî yek du welatan 'ku ez hîs dikim ew ê jî razî bibin.'
Serokê Amerîkayê ragihand ku welatên endam zêdetirî trîlyonek dolar ji bo xercên berevanîyê dabîn dikin, ku ev birekî pir mezin ê drav e. Di destpêkê de wan %1ê bûdçeya xwe di parastina NATOyê de xerc dikir, min kir %2 û piştre min xwest ku bikin %5.'
Trump atmosfera civînên serokên NATOyê erênî bi nav kir û got: 'Ew hemû ji welatê xwe pir hez dikin û rêzê li Amerîkayê digirin.'
Serokê Amerîkayê destnîşan kir ku kompanyaya Lockheed Martin û çend kompanyayên din ên Amerîkayê peymaneke parastinê bi bihayê sê milyar dolaran îmze kirine. Wî ragihand ku Amerîka di warê dronên serbazî de li pêşiya hemû welatan e. Her wiha got ku kompanya Anduril ya Amerîkayê dê mûşekên Barracuda ji bo Polonyayê çêbike. 'Ev hemû peyman xizmeta pîşesaziya parastinê ya Amerîkayê dikin û tê wateya derfetên kar ên zêdetir.'
Derbarê Îranê de, Trump got: 'Ez ne bawer im ku ez bixwazim bi wan re li hev bikim, bila em karê xwe temam bikin.'
Serok Trump ragihand ku ew di rêza pêşîn a wan kesan de ye ku rejîma Îranê dixwaze wan bikuje. Wî tekez kir ku gavên wî yên li dijî rejîma Îranê ji bo berjewendiya Amerîkayê û tevahiya cîhanê ne.