Serokê Amerîkayê Donald Trump dibêje "komeke mezin" ya keştîyên şer yên Amerîkayî ber bi Îranê ve diçe. Ev yek di demekê de tê ku ew gava xwe ya dahatû li ber çavan digire ji bo bersivdana tepeserkirina rejîma Îslamî li Îranê hember xwepêşandanan.
Trump derengî Pêncşemê, dema ku ji Swîsrayê vedigerîya, ji rojnamevanan re got ku Amerîka “li rewşa li Îranê temaşe dike... komeke mezin (ya keştîyan) ber bi wî alî ve diçe.”
Ev cara yekemîn e ku Trump bi awayekî vekirî behsa şandina kelûpelên leşkerî ber bi Rojhilata Navîn ve dike, wekî bersiv hember tepeserkirina rejîma Îranê li dijî xwepêşandanan.
Serokê Amerîkayî got ku “nîşaneke baş” bû ku rejîma Îranê plana sêdarekirina 837 kesan betal kiriye, ku bi piranî genc bûn, wekî beşek ji serkutkirina xwepêşanderan. Wî got ku wî hişdarî dabû rejîmê: “Eger tu wan kesan sêdare bikî, tê bi tundî were lêdan bi şêweyekî ku berî qet wiha nebûye.”
Derbarê “hêza mezin” ya keştîyên şer yên Amerîkayî ku wî got “ber bi Îranê ve diçe,” Trump da zanîn: “Dibe ku pêwîst neke em wê bikar bînin. Emê bibînin.”