Lîsta demkî ya berbijarên serokomarîyê yên hilbijartinên Tirkîyê yên 14’ê Gulanê di Rojnameya Fermî de hat weşandin.
Di lîstê de Kemal Kiliçdaroglu, Muharrem Înce, Recep Tayyîp Erdogan û Sînan Ogan hene.
Serokê Partîya Gel ya Komarî (CHP) Kemal Kiliçdaroglu berbijarê Hevpeymanîya Netew e ku 6 partîyên rikeberîyê destekê didin.
Serokomarê Tirkîyê Recep Tayyîp Erdogan jî bo Hevpeymanîya Gel berbijarê serokomarîyê ye.
Sînan Ogan û Muharrem Înce do Duşemê bi derbazkirina benda komkirina 100 hezar îmzayên hilbijêran, mafê berbijarbûnê wergirtibû.
Înce jibo Partîya Memleket berbijarê serokomarîyê ye û Ogan jî namzetê Hevpeymanîya Ata ye.
Kesên dixwazin bo berbijarîyan pêdeçûn were kirin dikarin heta sibê Çarşemê serî li Komîsyona Bilind ya Hilbijartinê (YSK) bidin.
Jêder: VOA, DHA