Bi hilbijartinên 14’ê Gulanê re serokên hin partîyên sîyasî jî ketine parlamana Tirkîyê.
Ji lîsta Partîya Dad û Pêşvebirinê (AKP), serokê Partîya Doza Azad (Huda-Par) û serokê Partîya Çep ya Demokratîk (DSP) ketin parlamanê.
Serokê Huda-Parê Zekerîya Yapicioglu hi herêma 3’yan ya Stenbolê û Serokê DSP’ê Onder Aksakal jî ji herêma 2’yê ya Stenbolê ket meclîsê.
Ji hevbendên Hevpeymanîya Gel, Serokê Partîya Yenîden Refah Fatîh Erbakan jî ji herêma 1’ê ya Stenbolê hat hilbijartin.
Serokê Partîya Guherînê ya Tirkîyê (TDP) Mustafa Sarigul ji Erzîncanê ji lîsta Partîya Gel ya Komarî (CHP) ket meclîsê.
Hevserokê Partîya Çep ya Kesk Îbrahîm Akin ji Îzmîrê û hevseroka wê partîyê Çîgdem Kiliçgin ji Stenbolê hat hilbijartin.
Serokê Partîya Karkeran ya Tirkîyê Erkan Baş ji Stenbolê ket parlamanê.
Hevserokê Partîya Demokratîk ya Gelan (HDP) Mîthat Sancar ji Ruha û hevseroka wê partîyê Pervîn Buldan jî jî Wanê hat hilbijartin.
HDP jiber doza ser girtina wê ji lîsta Partîya Çep ya Kesk ketibû hilbijartinan.
Jêder: Twitter, Ajansa Anadolu