Wezîrê Navxweyî yê Tirkîyê ragihand ku di 15 rojên dawî de pirtir ji 25 hezar Sûrî vegerîne Sûrîyê.
Yerlîkaya da zanîn ku 4,164,472 bîyanî bi rêkên qanûnî li Tirkîyê dimînin û got ku ji wan 2,920,119 kes Sûrî ne.
Wî dîyar kir ku ji 2017’an vir ve, 763,443 Sûrî bi awayekî dilxwaz û ewle vegerîne welatê xwe.
Li gor ragihandina Yerlîkaya hejmara kesên vedigerin di 15 rojên dawî de 7 qatan zêde bûye.
Yerlîkaya dîyar kir ku Sûrîyên dixwazin vegerin welatê xwe dikarin ji malpera Seroktîya Rêvebirina Koçberîyê serlêdanê bikin û got ku ewê di heman rojê de randevuyê bistînin.
Wezîrê Navxweyî got ku Sûrî dikarin tevahîya kelûpelên mal û dikanên xwe yên li Tirkîyê tevî maşîneyên xwe bi xwe re bibin.
Jêder: NTV