Fermandarîya Navendî ya Amerîkayê (CENTCOM) îro Şemîyê ragihand ku du leşkerên Amerîkî li Urdunê hatin kuştin.
CENTCOM di daxuyanîyekê de li ser platforma X'ê got: "Di 17'ê Tîrmehê de, du leşker li Urdunê di dema kar de hatin kuştin gava ku wan ligel hêzên hevpar berevanî li dijî êrîşên dron û mûşekên balîstîkî yên Îranê dikir."
Artêşa Amerîkayê herwiha got ku ji bilî heru leşkerên ku hatine kuştin, leşkerekî din niha windayî ye û çar jî birîndar bûne. Leşkerên birîndar li nexweşxaneyên Urdunê hatin dermankirin û derxistin.
CENTCOM got ku ew nasnameya leşkerên kuştî eşkere nake heta 24 demjimêran piştî ku malbatên wan werin agahdarkirin.
Ev nûçe di demekê de tê ku şer û pevçûnên di navbera Amerîka û Îranê de di heft rojên borî de berdewam kirine.
CENTCOM Înê bi şev ragihand ku hêzên Amerîkî pêla heftemîn ya êrîşên dijî armancên Îranê bidawî kiriye. Îran jî li Urdun û welatên Kendavê û Herêma Kurdistanê jî êrîşên dron û mûşekan berdewam dike.