Lînkên eksesibilîtî

Breaking News

Erdogan Dibêje Peymana Genim a Ukraynayê Hat Dirêjkirin


Russia Ukraine Grain Shipments
Russia Ukraine Grain Shipments

Serokê Tirkiyê Recep Tayyîp Erdogan roja Şemiyê dirêjkirina peymana hinartina genimê Ukraynayê piştî dagirkirina Rûsyayê, ragihand.

Erdogan di şîroveya xwe ya ku di televizyona Tirkî de hat weşandin de, çend saetan beriya ku peyman nîvê şevê biqede, got: "Piştî hevdîtinên bi her du aliyan re, me garantî da dirêjkirina peymana ku diviyabû di 19ê Adarê de biqede."

Erdogan negot rêkeftin heta çi demê hatiye dirêjkirin, lê wezîrê binesaziyê yê Ukraynayê diyar kir ku rêkeftin ji bo 120 rojan hatiye dirêjkirin.

Oleksandr Kubrakov li ser Twitterê wiha got: "(Peymana Înîsiyatîfa Genimê Deryaya Reş 120 rojan hat dirêjkirin. Ez spasiya Antonio Guterres yê Neteweyên Yekbûyî, Serokomar Erdogan, Wezîr Hulusî Akar û hemû hevkarên me dikim, ji bo pêgiriya wan bi peymanê."

Enqerê berê gotibû ku ew dixwaze peymanê 120 rojan dirêj bike, lê Rûsya jî alîgira dirêjkirina 60 rojan bû.

Dagirkeriya berfireh a Rûsyayê di Sibata 2022an de hîşt ku benderên Behra Reş ên Ukraynayê ji hêla keştiyên şer ve werin astengkirin.

Lê peymana ku di Tîrmeha 2022an de bi navbeynkariya Tirkiyê û Neteweyên Yekbûyî û ji hêla Kyiv û Moskoyê ve hat îmzekirin, rê da derbasbûna bi ewle ya hinardekirina kelûpelên girîng ên genim. Peymana destpêkê di meha Mijdarê de heta 18ê Adarê hatibû dirêjkirin.

Ukrayna yek ji berhemhênerên herî mezin ên cîhanê bû, û bi navê Înîsiyatîfa Genim ya Deryaya Reş alîkar bû ku krîza xwarinê ya gerdûnî ya ku ji ber pevçûnê derketibû pêş, sivik bike.

Çavkanî: AFP

XS
SM
MD
LG