Rêberên rojavayî hevgirtina xwe bi Ukraynayê re di salvegera duyemîn a dagîrkirina berfireh a Rûsyayê de, anîn ziman.
Li vir çend şîroveyên herî dawî hene:
Serokê Amerîkayê Joe Biden:
"Gelê leheng ê Ukraynayê, di îradeya xwe ya parastina azadî û siberoja xwe de serî natewîne. NATO ji her demê bihêztir, mezintir û yekgirtîtir e.
"Hevpeymaniya cîhanî ya bêmînak a ji 50 welatan, ji bo piştgiriya Ukraynayê, bi serokatiya Amerîkayê, pabend e ku alîkariyên krîtîk ji Ukraynayê re peyda bike û Rûsya ji ber êrîşa wê berpirsiyar bibîne.
Seroka Moldova Maia Sandu:
"Ez spasiya Ukrayniyan dikim ji bo têkoşîna bêwestan a ji bo azadiyê û ji bo parastina aştiya li Moldovayê jî. Di van du salan de cîhana azad hevgirtineke bêhempa nîşan da, lê dîsa jî şer berdewam dike; Divê piştgiriya me bi tundî bidome."
Serokwezîra Îtalyayê Giorgia Meloni:
"Ev der sembola têkçûna Moskoyê ye, ev der sembola serbilindiya Ukraynayê ye... Ev ax perçeyek ji mala me ye û em ê çi ji destê me tê bikin ji bo parastina wê."
Serokwezîrê Polonyayê Donald Tusk:
"Du sal lehengiya Ukraynayê. Du sal barbariya Rûsyayê. Du sal şermezarkirina kesên ku bêxem dimînin."
Seroka Komîsyonê YE Ursula Von Der Leyen:
"Ji her demê bêhtir, em bi xurtî bi Ukraynayê re ne, di warê aborî, leşkerî, û exlaqî de, heta ku welat di dawiyê de azad bibe."
Serokwezîrê Brîtaniya Richi Sunak:
"Divê em biryardariya xwe nû bikin…di vê salvegera tarî de. Ev demek e ku em nîşan bidin ku zulm dê ti carî bi ser nekeve û careke din bibêjin ku em ê îro û sibê li gel Ukraynayê bisekinin."
Serokê Polendî Andrzej Duda:
"Me di têkoşîna azadiyê ya Ukraynayê de piştgirî da, û em ê piştgirîyê bidin Ukraynayê! Îro jî ev piştgirî pir pêwîst e. Li gel encamên xerab ên şer jî, cîhana azad nikare destûrê bide ku Putin û Rûsyayê bi ser bikevin."
Serokwezîrê Romanî Marcel Ciolacu:
"Em îro 2 salên şerê [Rûsyayê] li dijî Ukrayna bi bîr tînin. Em bi yekdeng û hevgirtineke tam ligel [Ukraynayê] radiwestin, heta ku ew bigihe serketinê û aştiyeke dadmend."
Serokê Almanya Olaf Scholz:
"Ukrayna li ber xwe dide ji ber ku ew bi hêz û wêrek e, û ji ber ku hevalên wê li Ewropa û li seranserê cîhanê hene. Em serbilind in ku di nav hevalên wê de ne - îro û di siberoja wê ya hevpar a Ewropî de."
Seroka Slovakî Zuzana Caputova:
"Ukrayna hîn jî li ber xwe dide, gelê xwe, nirxên me yên hevpar û sîstema li ser bingehan diparêze. Û em li kêleka Ukraynayê ne."
Çavkanî: Reuters