Wezîrê Berevaniyê yê Amerîka Lloyd Austin îro Şemiyê got "pêwîst e" ku ew diyalogê bi Çînê re nû bike da ku dûr bikevin ji "tênegihiştineke" ku renge bibe sedema şerekî di navbera her du hêzan de.
Amerîka hevtayê Austin yê Çînî Li Shangfu vexwendibû ku li kêleka lûtkeya parastinê ya li Sîngaporê bicive, lê Pentagon got ku Pekînê red kir.
Endamekî şanda Çînê ji AFPê re got ku rakirina cezayên Amerîkayê yên li ser wezîrê wê, mercê pêşî yê hevdîtinan e.
Austin ji kombûna Shangri-La Dialogue re got, "Amerîka bawer dike ku xetên vekirî yên peywendiyan bi Komara Gel a Çînê re girîng in, nemaze di navbera serkirdeyên me yên berevanî û leşkerî de."
"Her ku em bêtir biaxivin, ew qas bêtir em dikarin xwe ji tênegihiştin û hesabên şaş ên ku dikarin bibin sedema krîz an pevçûnan, dûr bixin."
Serdana Austin ya Asyayê ku berê ew bir Japonê û dê wî bibe Hindistanê jî, beşeke ji hewildaneke berpirsên payebilind ên Amerîkî ye, ji bo piştgirîya hevalbendî û hevkariyên herêmî ji bo alîkarîya li hember Çîneke bihêztir û koryayeke Baku ya zêde şerxwaz.
Di axaftina xwe ya Şemiyê de, Austin got ku ew "pir bi fikar e ku (Çîn) ne amade ye ku bi ciddî tevlî mekanîzmayên çêtir ên rêveberiya qeyranê di navbera her du leşkerên me de bibe", û hêviya xwe anî ziman ku ev di demek nêzîk de dê were guhertin.
Çavkanî: AFP