Fermandarîya Navendî ya Amerîkayê(CENTCOM) îro Pêncşemê ragihand ku wê dest bi pêleke din a êrîşên dijî armancên leşkerî yên rejîma Îranê kiriye.
CENTCOM’ê li ser platforma X’ê got, “Hêzên Amerîkî îro demjimêr 6:45ê êvarê bi dema rojhilatê Amerîkayê dest bi şeveke din a êrîşan li dijî armancên leşkerî yên Îranê kir.”
“Ev şeva 13emîn a li pey hev a êrîşan e ku armanc jê ew e Îran were muhasebekirin û gefên ji alîyê Artêşa Pasdarên Şoreşa Îslamî ve li ser keştîyên bazirganî kêm bibin,” CENTCOM’ê got.
Serokê Amerîkayê Donald Trump demekê berê îro Pêncşemê got ku ew hizra destpêkirina operasyonên leşkerî li Îranê dike.
Serok Trump di hevpeyvînekê de ji Axios re anî ziman ku ev êrîşên ew hizra wan dike, dê ji êrîşên di dema operasyona Hêrsa Dastanî de hatibûn kirin, mezintir bin.