Di konferanseka rojnamevanî de roja Duşembî, rêberên Amerîka û Îraqê behsa “qonaxeka nû” kir bo Îraqê.
Di wê konferansê de Serok Obama got piştî nêzîkî neh salan, şerê me li Îraqê di vê mehê de bi dawî dihêt. Serok Obama got ku leşkerên Amerîkî bi serbilindî li Îraqê xizmet kirin.
Serok Barack Obama û Serokwezîrê Îraqî Nûrî El Malikî roja Duşembî li Seraya Spî bi hev re civiyan û gotûbêj li ser hejmareka pirsan kirin ji wan parastin, bazirganî, enerjî, perwerde û sermayedariya Amerîkî li Îraqê.
Biryar e Malikî roja Çarşembî ligel Serok Obama serdana bingehê leşkerî yê Fort Bragg bike li wîlayeta North Carolina û pêşwazî li wan leşkeran bikin ku li Îraqê vedigerin welatî.
