Generalên Amerîka û Korya Bakur kom bûn ji bo gotûbêjkirina vegera bermayên serbazên Amerîka yên ku tevlî şerê Korya bûbûn.
Michael Minihan, generalê Amerîkî yê li gel hêzên Amerîkî li Korya û serkirdeyê komandariya hêzên Neteweyên Yekgirtî îro Yekşemê li gel generalekî Korya Bakur li gundê sînorî Panmunjom ê herêma bêçek kom bûn, li gor çavkaniyên Korî.
Ev cara yekem e di neh salan de generalên herdû aliyan li gel hev kom dibin.
Vegera serbazên Amerîkî yek ji mijarên gotûbêjkirî bû di kombûna dîrokî ya Trump û serokê Korya Bakur Kim Jong Un de meha borî.
Hate ragihandin ku Amerîka 100 darbest şandine ji bo veguhestina bermayên serbazan.