Berdevkê Wezareta Derve ya Amerîkayê Ned Price roja Şemîyê daxuyanîyek da, tê de got ku Amerîka êrîşên DAIŞê yên li bajarê Hesekê ya bakur û rojhilata Sûrîyê şermezar dike.
Di dirêjahîya daxuyanîyê de, hate gotin ku Amerîka “pesnê Hêzên Sûrîya Demokratîk (HSD) dike ser bersiva wan ya bilez û pêgirîya wan ya berdewam jibo şerê dijî DAIŞê li bakur û rojhilata Sûrîyê.”
Daxuyanîyê herwiha sersaxîya malbatên şervanên HSD’ê kir ku di teqîna pêşîn û şerê paşê de hatin kuştin.
Wezareta Dereve ya Amerîkî anî ziman ku êrîşkirina wê zindanê jibo DAIŞ'ê armanceke serekî bû.
“Ev êrîş nîşanek e jibo girîngî û pêdivîya piştgirîya bi temamî ya însyatîfên Koalisyona Navnetewî jibo baştirkirina girtina ewle û mirovahî ya çekdarên DAIŞ’ê, di nav de jî xurtkirina ewlekarîya zindanê,” di daxuyanîyê de hate gotin. "Ew herwiha pêvidîya bilez nîşan dide ku welat hemwelatîyên xwe yên li bakur û rojhilata Sûrîyê girtî ne, vegerînin û wan bidin darizandin.”
Daxuyanîya Wezareta Derve herwiha got ku amerîka di têkbirina DAIŞ’ê de pêgir e û dê vê yekê bi rîya hevkarîya ligel Koalisyon û hevparên xwecihî pêk bîne.
