Piştî zincîreyeke talîzokên werzî ku bi navê Tornadoes tê nasîn şeva borî li hejmarek wîlayetên Amerîka, bi dehan kes ne diyar in û metirsî hene ku wan jiyana xwe ji dest dabin.
Hakimê wîlayeta Kentucky Andy Beshear ji telefizyona xwecihî ya WLKY re got dibe ku herî kêm 50 kes miribin û ew pêşbîniya bilindbûna hejmarê dike.
Beshear rewşa tengaviyan ragihand, nobedarên niştiman yên Kentucky çalak kirin û polîsê wîlayetê li wir belav kir.
Li Wîlateya Illinois polîs di daxuyaniyekê de got rûdanên tund yên keşûhewayê bûn sedema hilweşîna beşekî cihê kar yê Amazon û operasyona rizgarkirinê berdewam e.
Berpirsan got talîzok herî kêm bi ser pênc wîlayetan re derbas bûn, Arkansas, Illinois, Kentucky, Missouri û Tennessee.
Şarezayê keşûhewayê Eric Fisher li ser Twiterê got eger talîzok nêzîkî Tennessee li ser erdê bimîne, dê bibe talîzoka herî dirêj di dîroka Amerîkayê de.