Qumandarê Hêza Qudsê Qasim Silêmanî di êrîşeke esmanî ya firokên bêmirov ya Amerîkî de li Bexda hate kuştin.
Wezareta Berevanî ya Amerîka ragihand ku Silêmanî ser fermana Serokê Amerîka Donald Trump, jibo parastina karmend û leşkerên Amerîkî yên li Îraqê û herêmê hate kuştin.
Pentagonê herwiha ragihand ku Silêmanî êrîşên nav çend mehên borî yên ser bingehên koalîsyonê li Îraqê plan kiribûn.
Rojnamevan Yasîn Taha ku li bajarê Silêmanî dijî, bawer dike ku kuştina Qasim Silêmanî û Ebu Muhendîs ji alîyê Amerîka ve jibo herkesî şokeke mezin e.
"Kuştina Silêmanî û Muhendîs qewimandineke metirsîdar e û qada şer ya navbera Amerîka û Îranê dikare ji Tengava Hurmuzê veguhezîne Îraqê.”
