Berdevkê hikûmeta Îraqê Heyder Ebûdî îro Şemîyê ragihand ku Serokwezîrê Îraqê Elî Zeydî di serdana xwe ya Amerîkayê de karîbû şandina dolaran misoger kiriye.
Ev yek di demekê de hat piştî ku Zeydî li New Yorkê beşdarî Civata Giştî ya Neteweyên Yekbûyî bû. Zeydî di serdana xwe ya Amerîkayê de bi Serokê Amerîkayê Donald Trump re jî civîya.
Dema ku ji Trump li ser Zeydî hat pirsîn, Serokê Amerîkî got: "Serokwezîrê Îraqê mirovekî baş e û min piştgirî daye wî ku vê postê bigire."
Piştî ku hikûmeta Îraqê destûr da Amerîkayê ku çavdêrîya bikaranîna dolaran li welêt bike.
"Di rojên pêş de barekî nû yê dolarên kaş dê bigihêje Îraqê," Ebûdî ji Ajansa Nûçeyan a Îraqê re got.
Destgihîştina bi dolarên kaş bandoreke rasterast li ser nirxê dolar li bazarên Îraqê dike û nezelalîya çend rojên borî bû sedema bilindbûna nirxê dolar li bazara reş.
Amerîka di demên berê de hewldan kirine ku dolarên pêwîst ji Îraqê re peyda bike û lê di heman demê de hewl daye rê li ber gihandina pereyan bo Îranê bigire. Ji bo vê armancê, gelek tedbîrên tund girtine.
Îraq yek ji wan welatan bû ku di demeke kurt de li ser daxwaza Amerîkayê geştên esmanî ligel Îranê qedexe kir. Ev yek bû sedema nerazîbûnên hin alîyên Îraqî yên nêzîkî Îranê.