Serokê Amerîkayê Donald Trump got ku bi dawîbûna şer û teslîmbûna Îranê re, buhayên petrolê dê bi awayekî berbiçav dakevin. Wî herwiha got ku şeva borî bareke bêhempa ya petrol ji Tengava Hormuzê derbas bûye.
Serok Trump îro Yekşemê berî ku bi keştîya Marine One biçe Illinoisê, bi rojnamevanan re axivî û got ku ew pîşbînî dike ku zext li ser buhayên petrolê bi bidawîbûna şer re sivik bibin.
"Dema ku şer biqede û Îran teslîm bibe, ku ev yek di demek nêzîk de wê bibe, buhayên petrolê wê bi pir dakevin," Trump got.
Koşka Spî meha borî ragihand ku hêzên Amerîkî Tengava Hormuzê ji mayînan paqij kirine û nêzîkî 1,500 keştîyên bazirganî yên ku nêzîkî 750 milyon bermîl petrol hildigirtin di bin parastina Amerîkayê de derbas bûne.
Serok Trump bal kişand ser aborîya navxweyî ya Amerîkayê û got ku petrol ji dema rêveberîya Biden erzantir e. Wî got ku hejmara kesên ku dixebitin û karên ku li Amerîkayê hatine afirandin, û herweha dahatên mirovan û tedbîrên kêmkirina xizanîyê di astek bêhempa de bilind bûne.