Lînkên eksesibilîtî

Breaking News

AP: Jimareke Zarokan di Êrîşeke Esmanî ya li Yemenê de Hatin Kuştin


Li Sana ya Yemenê piştî êrîşekê esmanî, arşîv

AP’ê îro Sêşemê ragihand ku hêzên koalîsyonê yên bi pêşengîya Erebîstana Saudî li Yemenê êrîşên esmanî li dar xistine.

Li gor dîdevan û karbidestan bi kêmî ve 25 kes di êrîşan de hatin kuştin.

Êrîş li Taiz ya li rojavayê Yemenê bi ser bazarekê de pêk hat û AP ji zarê karbidestan radigihîne ku di nav kuştîyan de zarok jî hene.

Dîdevan û karbidestên ku agahî dan AP’ê dîyar kir ku ew ji bersîvdanê ditirsin û jiber vê navên xwe eşkere nekirin.

Koalîsyonê derbarê êrîşên esmanî de hîn ti daxuyanî nedaye.

Rêxistinên mafên mirovan yên navneteweyî, Erebîstana Saudî jiber êrîşên li ser bazar, nexweşxane û warên sîvîlan tawanbar dike.

Di şerê navxweyî ya Yemenê de heta niha bi kêmî ve 10,000 sîvîl hatin kuştin û metirsîya xelayê jî ro bi ro li wî welatî zêde dibe.

XS
SM
MD
LG