Jimareke rojnamevanên Sûrî li ser vexwandina Wezareta Derve ya Amerîka hatine Washingtonê ku jîyana li vî welatî baştir bizanin û ligel rojnamevanên Amerîkî hevnas bin.
Rojnamevanê Kurd Mesud Hamîd yek jî wan rojnamevanan e ku niha li Washingtonê ye.
Hamîd di hevpeyvîna Dengê Amerîka de behsa hatina xwe dike û hêst û nêrînên xwe ligel guhdarên me parve dike.
"Bi vê serdanê me derfet dît ku Amerîka bibînin û jîyana vê derê baştir binasin û bibînin rojnamegerî çawa te kirin. Ez li vê derê dibînim ku gelê Amerîkî pir mêvanperwer in."
Hamîd geşbînîya xwe dîyar dike ku di demên pêş de pirtir rojnamevanên Kurd jî bi rêya programên wiha werin Amerîka û zanîna xwe firehtir bikin.
