<!-- IMAGE -->
Hikûmeta Çînê ragehand ku dixwaze bi dayelog û danûstandinan ciyawaziyên xwe ligel Amerîka çareser bike.
Peyvdarê wezareta derve Çin Gang li Pekînê gote peyamnêran ku hikûmeta Çînê amade ye têkeliyên xwe ligel Amerîka bihêz bike.
Têkeliyên nêvbera Çîn û Amerîka jiber jimareka pirsan aloz bûne, ji wan nirxê diravê Çînê. Karbidestên Amerîkî dibêjin Çîn nirxê diravê xwe, yuan, kêm dike da ku nirxê berhemên Çînî kêm bibe û hinarde (eksport) a Çînê zêde bibe.
Fişar û giranî li ser wezareta diravî ya Amerîkî zêde dibe da ku Çînê wek welatekê bide nasîn ku destkariya nirxê diravî dike.