Wezareta Berevanî ya Rûsya ragihand ku li bakurê Humsê ya Sûrîyê agirbesteke herêmî destpê kiriye.
Berdevkê wezaretê Igor Konaşenkov da zanîn ku agirbestê danê nîvro destpê kiriye û li wê herêma agirbestê bi qasî 147,000 kes dijîn.
Konaşenkov dîyar kir ku nûnerên Rûs û serhildayên Sûrî, hûrgilîyên agirbestê hefteya borî li Qahîre ya payxtaxta Misirê axifîne.
Di civîna Astana ya Qazaqistanê de, ku di meha Gulanê de li dar ketibû, Rûsya, Tirkîye û Îranê, li ser heremên ewle yên li Sûrîyê li hev kiribû.
Li gor lihevkirina her sê dewlet, çar agirbest hatibûn plan kirin ku ya li Humsê qonaxa sêyan e.
