Endamê Kongrêsa Amerîkayê Abraham Hamadeh bi telefonê bi Şêwirmendê Serokatîya Sûrîyê Mezlûm Ebdî û endama parlemana Sûrîyê Îlham Ehmed re peyîvî.
Ofîsa Hamadeh doh êvarê roja Sêşemê di daxuyanîyekê de li ser platforma X’ê eşkere kir ku wî pîrozbahî li wan kir ku bi aştîyane tevlî hikûmeta nû ya Sûrîyê bûn.
Hamadeh herwiha spasîya wan kir wekî hevalbendên Amerîkayê di şerê dijî DAIŞ’ê de, ku niha li Şamê rolên girîng digirin û alîkarîya avakirina Sûrîyê wisa dikin ku rengînîya welêt nîşan dide.
Ofîsa Hamadeh diyar kir ku Amerîka kenalên peywendîyê bi hemû alîyên li Sûrîyê re berdewam dike û diparêze jî.
Berî hilweşandina fermî ya Hêzên Sûrîya Demokratîk (HSD), Mezlûm Ebdî fermandarê giştî yê HSD'ê bû û Îlham Ehmed jî berpirsa peywendîyên derve ya Rêveberîya Xweser a Bakur Rojhilatê Sûrîyê bû.