Serokê Ukraynayê Volodymyr Zelenskyy û Serokê Amerîkayê Donald Trump bi telefonê axivîn. Zelenskyy ragihand ku ewê li New Yorkê bicivin.
Herdu serok vê heftiyê ji bo Kombûna Giştî ya Neteweyên Yekbûyî (NY) li New Yorkê bin.
Zelenskyy li ser platforma X’ê got ku “Em li hev hatin ku li New Yorkê bicivin. Ev civîn dikare gelek tiştan biguhere. Niha fersendeke baş a dîplomasîyê heye.”
Zelenskyy got ku wî spasîya Serok Trump kir ji bo serdana nûnerên Amerîkayê, Steve Witkoff û Jared Kushner, ya ku vê mehê bo Kîevê encam dabû.
Zelenskyy herwiha spasîya Serokê Amerîkayê kir ku qanûna cezayên li ser Rûsyayê îmze kir. Ev qanûn ji alîyê Senatorê Amerîkayê yê koçkirî Lindsey Graham ve hatibû amadekirin.