Hilcivîna ASEAN li Manîlayê Tê Lidarxistin

Hilcivîna Yekîtîya Welatên Başûrê Rojhilatê Asyayê (ASEAN) îro Yekşemê li Manîlayê Paytexta Filîpînê dest pê kir. Serokên van welatan dê di hilcivînê de mijarên bazirganî, ewlekarî û krîza enerjîyê gotûbêj bikin, û biryar e paşê Serokê Amerîkayê Donald Trump jî tevlî wan bibe.

Li gorî ajansa nûçeyan a Fransayê (AFP), Trump dê roja Sêşemê bi dawîhatina Hilcivîna ASEAN'ê re bigihîje Manîlayê. Di vê serdanê de, ew ê bi serokên Hindistan, Japonya û Australyayê re bicive ku ligel Amerîkayê di hevpeymanîya Çarqolî de cih digirin.

Ev civîna hevpeymanîyê, ku ji bo pêkanîna hevsengîyekê li hember bandora Çînê li herêma Asya û Pasîfîkê hatiye avakirin, û tê çaverêkirin ku gotûbêj li ser mijarên bazirganî, ewlekarîya herêmî û krîza enerjîyê ya girêdayî şerê li dijî Îranê bin.

Lio gor raportan, peyvdarê Kremlînê roja Şemîyê ragihandiye, Serokê Rûsyayê Vladimir Putin û hevtayên wî yên Çînî Xi Jinping û yê Amerîkî Donald Trump dê roja Pêncşemê li bajarê Shenzhen ê Çînê, di çarçoveya Lûtkeya Foruma Hevkarîya Aborî ya Asya-Pasîfîkê (APEC) de, civîneke sêalî li dar bixin.