Balyozê Amerîkayê li Tirkîyê û Nûnerê Taybet ê Serok Trump bo Sûrîyê Tom Barrack ji bo pejirandina kabîneya hikûmeta Îraqê pîrozbahî li Serokwezîr Elî Zeydî kir.
"Em pêşwazîya serokatîya we ya nû dikin û li benda ajandeyeke nû ya wêrek in ku li gor berjewendîyên hevbeş be: avakirina serwerî, geşepêdan, aştî û Îraqeke geş ku bi cîranên xwe re di aştîyê de ye û ji bo hemû welatîyan derfet û pêşketinê peyda dike.
Parlemana Îraqê roja Pêncşemê bêtirî nîvê postên wezîran ên ku ji hêla serokwezîrê nû Elî Zeydî ve ji bo kabîneya nû hatine pêşniyar kirin, pesend kir.
"Serok Trump, Wezîrê Derve Rubio û Amerîka amade ne ku bi hikûmeta we re ji nêzîk ve bixebitin da ku armancên hevbeş, dewlemendîya gelê Iraqê û nehiştina terorîzmê pêşve bibin. Terorîzm her gav ji bo gelê Îraqê bûye astengîyek."
Di pêvajoya dengdana li ser kabîneyê de, ji 23 wezîran 14 dengên pêwîst wergirtin.
Kabîneya nû wiha ye:
Elî Zeydî – Serokwezîrê Nû yê Iraqê
Fuad Hisên – Wezîrê Derve
Falih Ebdaşî – Wezîrê Darayî
Basim Xidêr – Wezîrê Petrolê
Xalid Şwanî – Wezîrê Dadê
Ebdulkerîm Ebtan – Wezîrê Perwerdeyê
Elî Se'ed Wehîb – Wezîrê Elektrîkê
Mihemed Nûrî – Wezîrê Pîşesazîyê
Musena Temîmî – Wezîrê Çavkanîyên Avê
Sirwa Ebdulwahid – Wezîra Jîngehê
Mistefa Nizar Cuma – Wezîrê Bazirganîyê
Mistefa Sened – Wezîrê Veguhastinê
Ebdil Hisên Mûsewî – Wezîrê Tenduristîyê
Ebdulrehîm Şemerî – Wezîrê Çandinîyê
Wehb Hesenî – Wezîrê Veguhestinê
Piştî zêdetirî şeş mehan ji hilbijartinên giştî yên Îraqê, partîyên siyasî li hev kirin ku hikûmeteke nû ava bikin.