Washington —
Wezîrê Xezîneyê yê Amerîka Scott Bessent îro Şemîyê got ku cîhanê dikare bêyî petrola Îranê berdewam bike.
Bessent di postekê de li ser platforma X'ê got ku veguhestina navnetewî di rêka Tengava Homruzê re vegerîyaye astên berî nakokîya di navbera Amerîka û Îranê de.
"Cîhan dikare bêyî petrola Îranê bimîne, lê Îran nikare bêyî hinardekirina petrolê bijî," Bessent di postê de got.
Axaftinên karbidestê Amerîkî rojekê hatin piştî ku Fermandarîya Navendî ya Amerîkayê (CENTCOM) ragihand ku ji havînê ve hêzên Amerîkayê alîkarîya veguhestina bêtirî 1.5 milyar bermîlên petrolê bi rêya Tengava Hormuzê kirine.
Artêşa Amerîkayê herwiha got ku bi saya dorpêça Amerîkayê li ser benderên Îranê, ti petrol ji Îranê derneketiye.