Wezîrê Derve yê Amerîka Antony Blinken do Yekşemê bi Cîgirê Serokwezîrê Qatarê û wezîrê derve yê wî welatî Mihemed bîn Abdulrehman El-Thanî re ser Afganistanê axifî.
Li gor daxuyanîya Wezareta Derve ya Amerîka, Blinken bo ‘’hevkarîya xurt’’ ya Qatarê spasîya wî welatî kiriye.
Blinken daye zanîn ku Qatarê bo ewlekarîya herêmê û bo veguhestina welatîyên Amerîka û Afganên di rîskê de alîkarî kirine.
Wezareta Derve ya Amerîka ser axaftina her du wezîran zêdetir agahî neda.
